Photoshop lesson

Photoshop CS2 hte W.P dawnghkawn galaw ai lam re.|

Ndai lesson gaw beginner ni na matu rai na re. Chye ngut ai ni a matu nlawm ai hku re.

Shawng ningna filw>new kaw na preset hpe custom nga ai hpe lata tawn nhtawm width hpe 6 inches hte height hpe 4 inches la na re. Dai ngut ai hpang Rectangular marquee tool hte lapai maga ndung jut kaw na kaang hkup draw dat na re. Dai hpang new layer la na foreground color hpe green (atsit) la na paint bucket tool hte bang dat na re. Npu de na red(ahkeng) hpe mung dai hte maren galaw na re. Npu e yu ga.

Dai hpang nhtu galaw na matu rectangular marquee tool hte rectangle gasha galaw dat na re(nhtu hpe gaba mayu ai daram). Dai hpang new layer bai la na foreground color hpe white(ahpraw) galaw na bang dat na re. W.P nhtu gaw npu de gaji mat wa ai majaw dai hpe gaji na matu Edit>transform>perspective de sa na gaji la ra na re. Dai hpang nhtu a lata jum na shara hpe rectangular mawquee tool hte sha  bai draw na re.(Dai ni yawng hpe layer garan na galaw na.)

Dai hpang dai nhtu  layer ni hpe pawng na re. Ndai pawng ai sha loi layer ni hpe Ctrl dip na pawng mayu ai layer ni hpe lata nhtawm npu na madun ai shara hta na shara kaw shang na merge layer nga ai hpe dip ra na re.

 Dai pawng ngut ai hpang dai hpe 45’ mahkyeng na matu Ctrl + T shing nrai Edit>free transform hte galaw na npu e madun ai sha ra kaw 45 ngu gayet bang na re.

Dai nhtu mahkyeng layer hpe copy la na bai lu wa ai layer hpe hpa n galaw ai sha Edit>transform>flip horizontal sa na dai layer lahkawng hpe kalang ta merge galaw kau na re. Rai jang gaw anhte galaw ai lesson ngut mat sai hku re.(ndai dawnghkawn hpe beginner ni na matu galaw ai re majaw loi ai ladat hku sha galaw da ai hku re.)