Excle Lesson

Grai nchye tim ka dat ai hku re. Shut ai ni nga yang chye na ya marit ngu hpyi nyem ai. Ndai excle hpe gaw anhte jinghpaw hku ka na matu loi mi mayak nga ai. Nchye nkaw rai tim ka dat sai.

 

            Ndai excle hpe gaw microsoft word  chye ngut ai ni na matu gaw grai rai nna yak ai lam nnga na re. Toobar ni mung hpa mung nau shai ai lam gaw nnga ai. Raitim anhte excle hpe hpaw dat ai shaloi mu lu na gaw gaba pa pa re ai maisau pa langai mi hpe re. Dai gaw e ntsa kaw A B C D...............nga na nga ai dai hpe gaw column heady ngu ai re. Dai column gaw 256 column (A-Z, AA-AZ, BA,BZ...........IA-IV) nga na nga ai hku re. Pai maga na 1,2,3,4...........ngai ai hpe gaw row heady nga ai re. Dai gaw 65536 Row nga ai hpe mau hpa mu lu ai hku re. Excle a microsoft word hte nbung ai ni hpe npu e yu ga.

Ndai program gaw madung hku na chyarang ni hpe sawn ai shaloi lang ai hpe mung chyelu ai. Dai re majaw anhte ni chyarang ni hpe sawn ai shaloi lang ai (Addition, subtraction, multiply, division) ni hpe gara hku lang ai hpe tsun dan na re.

Addition-        + (plus)

Subtraction-    - (minus)

Multiply-         * (star)

Division           -           / (slash)

Ni hpe lang ai hku re. Ya dai ni hpe lang yu ga. Shawng ningnan Addition(+) hpe shawng lang yu ga. Shawng ningnan cell B5(B5 ngu ai gaw column nambat B hte row nambat 5 hpe ngu ai re) kaw Mying nga ai hpe ka ga. Dai hpang shi a makau na cell de sit na matu Tab key shing nrai arrow key hpe dip na sa ga. Dai kaw gaw Jan shing nrai(January) tinang ra ai hpe ka na auto fill hpe April du hkra gang dat ga.

Dai hpang Mying a npu kaw

Brang Ja hte shi a makau na cell Jan kaw na april du hkra kaw lawu na hti hkum ni hpe ka bang ga

45        56        34        48

Ngu na gaga mying ni kaw mung lawu na hte maren ka ga.

Seng Maw       44        27        65        47

Aung Ja           55        75        64        74

Myo San          45        68        43        77

Naw San         55        78        63        45

Zau Ring         58        75        45        66

Zaw Hkawng  54        44        67        88       

Dai hpang April a makau na cell kaw Ginchyum ngu ka ga. Npu e yu ga

Ndai hku ka ai shaloi akau mying ni cell hte nshang ai sha chyan nga ai hpe mu na re. Dai hpe B column  a hkra maga column C hte B a lapran kaw e myi na hte nbung ai sumla pru wa jang double click jaw dat na re.

Dai ngut jang Ginchyum nga ai cell npu kaw = sum ( nga na ginchyum mayu ai cell ni yawng hpe slect galaw na ngut jang ) ka na enter dip dat na re. Rai jang gaw Ginchyu kaw answer lu sai hku re. (Dai hte maren gaga ni hpe ma galaw na nra ai auto fill hpe gang mat jang tim mai ai.)

 Ndai hku Ginchyum ai kaw lam amyu myu hku mai ginchyum ai. ya gaga hku mung ka dat ya na.Gyinchyum nga ai cell npu kaw na cell ni hpe slect galaw na Autosum hpe dip dat jang mung mai ai. Answer gaw maren sha re.

 Gaga hku bai ka ya na Funtion bar kaw na (Fx)nga ai hpe dip dat jang box langai pru wa na re. Slect a function kaw (sum) ngu lata ya na OK dip.Dai sha loi tinang answer shapraw mayu ai cell kaw slect galaw ra na re(langai sha mai ai). Dai kaw e Number nga ai kaw na ni yawng hpe delete galaw na ginchyum mayu ai cell ni hpe slect galaw ya na ok galaw dat jang mung ngut sai hku re.

            Langai mi bai ka ya na. Answer shapraw mayu ai cell kaw = (Ginchyum mayu ai cell ni a mying hpe ka na (shing nrai mouse hte hkan slect galaw na)dai shaloi cell langai ngut jang + kalang bang ra na re. Hpang jahtum n cell ngut jang + bai nka ai sha ) hpe bang ya na Enter dip dat jang mung ngut mat sai hku re. Npu e Ginchyum ai hte seng na Function ni hpe ka ya na

=sum(cell mying ni)

=(cell mying+cell mying+................)

Langai mi gaw Autosum hpe lang ai re. Answer shapraw mayu ai cell ni yawng hpe slect jaw na Autosum hpe dip dat ya jang gaw ngut sai hku re.

Ndai ni hta lai na gaga mung naw nga ai hku re. Rai tim ndai hte chye jang pyi gaw naulaw mat sai. Ndai hte hta na tinang loi dum ai hpe lata lang ga. Aten lu jang matut na shakut na ka shalun ya na re.

Yawng awng dang u ga.......................