Photoshop hte Barcode galaw na

Ndai gaw loi ma loi galoi ma mu lu taw nga ai Bar Code hpe galaw na re.

Post n mara ai ma grai na mat sai ka da ai gaw grai nga ai rai tim aten n nga ai majaw n lu mara ai re. Rai tim ya mara na matu aten kachyi mi lu ai shaloi gan mara dat ai re. Bar Code hpe gaw anhte shara law  malawng hkan mu na re. Dai majaw baw code hpe gaw chye galaw ra ai ngu mu ai majaw mara dat ai re. Chye ai ni ma nga na sai, nchye ai ni a matu re.Ndai tutorial hpe gaw CS2 hte galaw ai re. Kaga Version ni hte ma maren sha re. 

Shawng ning nan File/ new hpe la na Preset nga ai kaw Default Photoshop Size hpe la na re. Dai hpang Resolution hpe 300 tawn na Ok hpe la jang file langai mi pru wa sai hku re.Dai pru wa ai file kaw hpa layer ma n la ai sha Filter/ Noise/ Add noise hpe la na re. Npu na setting ni hte maren hkan yu na galaw dat ga.

Dai galaw ngut jang anhte a file kaw noise ni tup rai mat na re. Hkum kajawng yaw dai noise ni gaw loi yu hkrit na zawn re ai re. Dai hpang anhte kalang bai Filter/ Blur/ Motion Blur hpe kalang bai la na re. Npu na hte maren hkan galaw dat ga.

 

Grai ya gaw Barcode hte bung mat sai ya dai kaw Shi na code hpe ka na re. Ndai ka ai gaw shan hte hpa hpe yu na hti na ka ai hpe gaw n chyeai rai tim madung gaw hti hkum ni hpe ka ai hpe chye lu ai majaw ngai mung hpa hti hkum rai jang rai hti hkum kap taw nga jang rai sai ngu di ka da ai re. he he ...Ndai hpe gaw gara hku hti na ka ai hpe chye ai ni mung chyeju hte bai tsun dan marit ngu

Ya ka ai lam hpe sha tsun na gara hku ka ai kaw lawan n du mat sai. Hpang saga, New layer la ga. Ya mayat na hti hkum ni ka na matu Rectangular Marquee (M key) hpe la na Rectangle langai mi galaw dat na dai kaw e white color bang dat na re. Dai bang na matu Foreground color hpe white lata tawn na Alt Del hpe dip dat na re. Npu e yu ga. 

Rai na dai kaw e hti hkum ni hpe ka na matu Text tool (T) hpe la na re. Rai na tinang ra ai hti hkum ni hpe ka dat jang gaw ngut mat sai hku re.